الصفحة الرئيسية > أجمل أبيات الشعر العامي > نصيحة... لا تحب!!
نصيحة... لا تحب!!
لي ضلوع أوقات تصبح من حطب
والعيون أحيان ماتبكي.. تنوح
ضقت في كل الوسيعة والرحب
ما التفت الا وقدامي صروح
هذا حالي للفرح ابغى سبب
وين ماوديت همي مايروح
صاحبي آخر كلامي بنسحب
بترك اللي راح وابدا بالنزوح
صاحبي خذها نصيحه لا تحب
وان تمرد بك خفوقك لا تبوح!
(زياد بن فهد)
4byt.com
حشا لولا عشر خصك بها ربي عن الباقين
ابد ماكان من شافك تطيح الناس من عينه
دلع لين وشقار وخف دم و مخملية عين
خجل ملح وجمال وصدق هنا للي تحبينه
ظلمتي من يجي بعدك يجون وكنهم مقفين!
قهرتي من يجي قبلك لو انه شمس تخفينه
يغاير كوكب الأرض السما الدنيا متى تمشين
يقول انه حظيظ اللي تواضعتي تدوسينه!
ولو الله زوج الشمس القمر ثم انجبوا نجمين
حشا ما جابوا اللي يشبهك نوره و لا زينه!
(عبدالمحسن بن سعيد)
التعليقات