انا اللي سلمك قلبه دلو عشق وغلاك الجال
وتليته بحبل من جفاك وضاقت اسبابه
فداك اللي تبي هاك الجمل والحمل والجمال
جلبت كل السنين وكل سوق وزين مجلابه
يا الطف من طيوفك في عيون للسهر مدهال
لا جني خايفات وكل طيف احلى من اثيابه
أحبك كثر ماينسى زمانه مستريح البال
واحبك كثر ما قلب المسافر حنّ لترابه
(نايف صقر)
اليا عطاك الصبح من جرحه ألم
احذر ألمك وواسي الصبح الجريح
ياهجعةالخفاق في ليلة حلم
والحلم غايب في ردا الستر الوشيح
لو يجيب الهم من همه قلم
أو يدفن المكتوم في وسط الضريح
ماينفع العراف لو عرفه سلم
ولا ينفع المضيوم لو حلمه مريح
(غريم الريم)
التعليقات