جيتها ما شوفها من دمع عيني
أشتكي دنيا قست ما يوم لانت
قلت : مدري وش أبي ؟ لكن عطيني
و امسحت دمعي و قالت : أص هانت
أنت تدري فراقنا دينه و ديني
و أنا أحس لحظاته الملعون حانت
خل عنك الآه و اسمع يا ضنيني
العزا معشوقتك ما يوم خانت
علمتني بالغياب أنشد حنيني
وأذكر انه قال لي : كانت و كانت !
(بركات الشمري)
4byt.com
صباح النور لا والله صباح إسمه
لأن النور شمعة حب من ضـّوه
إذا شفت النهار يصب من جسمه
عرفت أن المزاج مـرّوق بقـوه
صباح البسمه اللي ترسم البسمه
تصبح بالوجيه تصير محلـّوه
صباح الشهقه اللي كّونت نسمه
تصفي جو منهو عكرو جـّوه
(نواف الدبل)
التعليقات