الصفحة الرئيسية > أجمل أبيات الشعر العامي > عطني سما
عطني سما
جاك الظلام وجـاك ربع ومسايير
وجاني الظلام وكل ما احب راحي
علمي بنور الشمس وقت المعاذير
قال الوداع وقلت دربك سماحي
كان الالم.. غيثٍ فدمعي محادير
وكان الندم سيلٍ فخدي بطاحي
تقول خل الهم واكفخ كما الطير
عطني سما ياخوك والوي جناحي
(بدر بن عبدالمحسن)
4byt.com
حالي وحالك حال واحد بلا شك
وانته تقول إبعد وخلك لحالك
ماتدري إني ياهوى غايتي لك
وشلون تقطع عن محبك وصالك
ان جيتني والهم بالقلب مشغلك
قلت ابشر بعزك وقلبي حلالك
واليوم زاد الهم عندي وادورك
واثرك تغلا يوم غرّك جمالك
لكن نصيحه يوم انا جيت ناصحك
ترى الزمن وان طال بك ماصفالك
احذر من مخاواة شخص ٍ يجاملك
لامن بغى له حاجة ٍ منك جالك
هذي نصيحه وانت عقلك يحكمك
وان كنت تتجاهل فمالي ومالك
(عبدالله العتيبي)
التعليقات