الصفحة الرئيسية > أجمل أبيات الشعر العامي > الجمهره
الجمهره
انا تجرعت العطش لين احترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعالمن ماتستحق المغفره
انا اكثر انسان تعلم من كثر ماخطا وصاب
انا اخر انسان يتكلم في زمان الثرثره
(حامد زيد)
4byt.com
حبيبتي لو تذرف الدمع ياقوت
صلّى الزمرد ركعتين وطلبها
حبيبتي لا ربّع بثغرها التوت
شال الهجيني من غلاها عنبها
حبيبتي وإن صار لي وصلها قوت
ماجوّعت بالبعد مغلي تعبها
حبيبتي لو الرجا في بطن حوت
لاماتركت الياس يطفي حطبها
حبيبتي لو السحر سحر هاروت
مافرّعت في نجد وأرتجت أبها
حبيبتي لو تلمس جروح بيروت
طابت وغنى المجد وأزهر طربها
(عبدالمحسن بن سعيد)
التعليقات