الصفحة الرئيسية > أجمل أبيات الشعر العامي > اللقا لحظات
اللقا لحظات
لا تسمي صمتي البارح .. غـرور
إنكساري خلف هالصمت امتواري
في غياب الشمس وش ذنب الزهـور
و المطر لا شح وش ذنب الصحاري؟
اللقا لحظات و الغيبه شهور
تقصر الخطوات و يطول انتظاري
لو قريت المنكتب بين السطور
ما كتبت لغلطة العمر اعتذاري
صمت هالمينا.. مثل صمـت القبور
ما رسى مركب..ولا لاحت صواري
(متعب التركي)
4byt.com
للموت درب..وسكرة غيابك..عذاب
وأنا في برزخ..أستلذك ..مغفرة
وأستوحشك ذكرى..لها فالصدر باب
يفضح خفوقي..كل ما جيت استره
أحزن وتحزن من بعد حزني اشناب
كأن الدموع أموات..وعيني مقبرة
يا قبح وجه الحزن فحضور الغياب
أقبح من الرجّال..لا شابه مرَة
(غير معروف)
التعليقات