الصفحة الرئيسية > أجمل أبيات الشعر العامي > خبرتوا !!
خبرتوا !!
خبرتوا حد ٍ يبكي على واحد ٍ يبكيه!
وخبرتوا حد ٍ مسجون مايبغي إفراجه
أحبه ولا أبغضته على شي يسويه
ولا زالت أرقاب الرجا فيه منعاجة
عسى منزل ضمه.. حقوق الوسم تسقيه
وتضحك له الدنيا وهو يضحك حجاجه
فقد خاطري شي من الضيقة مسليه
وغدت روحي من الناس والليل هجاجة
أروح لمكان خابره.. خابره ياتيه
أسوق القدم صوبه وهي مالها حاجة
مكان نزيه وأول مواجهي له فيه
وأنا خابر مارجل مثله بدواجه
لعل وعسى ماحدني للمجي يدعيه
وأشوفه وأنا ماودي أسبب إحراجه
يحب الجريح أخر دروب اللقى ويجيه
وتحب القدم جية مكان أول مواجه
(محمد بن فطيس)
4byt.com
بقوات عينه قاللي لا تضمنيني
قلبي ينسى لو ثواني تهملينه
خان اول ما غفت بالنوم عيني
سيده ما كذب خبر ولد اللذينا
ليت كان الحب شي بيديني
كان ماحطيت قلبي في ايدينه
وليت ما ضيعت في حبه سنيني
ولا وثقت الين ما ضيع حنينه
ايه يا نفسي عن الرجل اسأليني
صدق ما غير التراب يسد عينه
(اللولو بنت ذياب)
التعليقات