قالوا العاذل بذمّك شرق
قلت ما اظنه لمدحي يطيق
كنه الشوك في ثوبي علق
يوذي الشوك ما يقطع طريق
كثر ما شوه العج الشفق
وقص من جيده عقود العقيق
اتركوني على باقي عبق
غيمة العطر من عمري العتيق
(بدر بن عبدالمحسن)
طال النهار
ابسألك
حنا نعيش اللحظه والا نعدها؟
نركض على سطور الزمن
ونقرا من كتاب الزمن صفحه
عشان الصفحة اللي بعدها
أجمل من نجوم السما
إني أنا وانتي انتساءل
يا ترى ... يا ترى وش بعدها
(بدر بن عبدالمحسن)
أشواق ياقلبي أبهدي لك أشواق
والشوق في صدري منازل منازل
لو أختصر قولي على كلمة أشتاق
كلمة أحبّك حطّمت هالعوازل
لو شفت أنا عيونك تصيبن بالأعماق
بسهوم تجرح بين طالع ونازل
ودي بشوفك دوم ياحبّي أشواق
الإسم هذا لا طرالي زلازل
(فارس الشايع)
ماهمني لو ضاق كوني ومافيه
الموت لامن ضاق بي صدر غالي
طاح الجمل و اللي بدا الطعن ينهيه
رغم إن مابه للخناجر مجالي
بالرغم من غدر الغلا و تجنّيه
بابقى أنا الي ما تغيّر خصالي
(ثامر الشعيفان)
قالت سلام وقلت الله يسلّم
عمرك يا عمري يا بعد حي هالقوم
جاوب خفوقي من سلامه تعلّم
إن الغلا يرسم على قلبك سهوم
يا كايده يا رايقه غيرك أظلم
في عيني اللي عن نظر غيرك تشوم
في حضرتك قلبي يقوم وتولّم
في حضرتك لوّه ترى غافي يقوم
(فارس الشايع)
تمدحون الوقت والا تشتكونه
الردى في الروس ماهو في زمنا
وما يعيب الفقر ياللي تلعنونه
لو رفيق الفقر في وقته تعنا
وما ينول المجد من طبعه ليونه
والأماني غربلت منهو تمنى
(سعيد الحمالي)
غرقت و لا لقيت لصرختي منهو يمد يدين
تصوبني سهوم الموت مرّه و ألف تخطيني!
أنا و حظّي رجعنا كل منّا خالي الكفين
على كيف الدهر من وين ما يمشي يوديني
ذبحني جرحي اللي ثار بي و أدمى من الصوبين
بلاني وين أولي به ؟! لعب في حسبة سنيني!
(فهد مساعد)
