اصبر ترا صبرك على الناس ياقاك
لو شفت منهم ماحصل من بوايق
كمل جميل لك و فرح القلب وياك
بكرا تشوف اللي هويته يوايق
ان شلت همه زاد عشقه لبلواك
و اليا تركته جاك بكل الطرايق
(فهد عبدالله الماضي)
مات الجمر وقلوب الأحباب حيه
والموت لا ماتت قلوب الحبايب
يا شيشتي لو فيك ذنب وخطيه
معاك أحس إني عن الناس غايب
العام كانوا لي من الأصحاب ميه
وقت الرخا لكن جفوا بالنوايب
لا هنت يا قلب شكى من خويه
كم راس من طعنات الأصحاب شايب
(حمد السعيد)
عيشي حرَّة في زمانك كان ودِّك تفرحين
الهوى بْمفهوم آدم سد رغبات و ضياع
لا يغرِّك في بياضه .. حقده أبيض ما يبين
في ذراعه يحتويك و يطعن بنفس الذراع
(ناصر الدهمشي)
ياشيخ انا راحت بي علوم و افكار
عن الذي حط الفخر تاج راسه
ما جاه مني كود حرفين و ازهار
حتى اتصاله يطرب الخط بوناسه
ودي بشوفه لكن الود مشوار
يسكن بقصر(ن)فيه اعظم حراسه
(فهد عبدالله الماضي)
صحّ المشاعر كلها وأنت راقد
ما ابيك تصحى والمشاعر بك رقود
كان المحبّة ما تشب المواقد
تبقى كذا جزء من النص مفقود !
صعبة تجدني وأنت للحب فاقد
والأصعب إني فاقدك وأنت موجود
(غير معروف)
قد كان بوسعي
أن لا أرفض
أن لا أغضب
أن لا أصرخ في وجه المأساة
قد كان بوسعي
أن أبتلع الدّمع
وأن أبتلع القمع
وأن أتأقلم مثل جميع المسجونات
قد كان بوسعي
أن أتجنّب أسئلة التّاريخ
وأهرب من تعذيب الذّات
قد كان بوسعي
أن أتجنّب آهة كلّ المحزونين
وصرخة كلّ المسحوقين
وثورة آلاف الأمواتْ
لكنّي خنتُ قوانين الأنثى
واخترتُ مواجهةَ الكلماتْ
( سعاد الصباح)
