يا غايبه إلا عن الخافق سلام
ردي علي يا همسة العاشق سلام
ردي وخذي مني ليالي من العمر
أقطف لك النجمه و أذوّب لك قمر
و ألبسك ثوب النسيم و أعطّر أيامك زهر
و أقول احبك و أفرش لك الدنيا حرير
ماهو على الغالي كثير
(خالد الفيصل)
من ألف باء ..الوجود
إلين ياه
صاحبي ..
والحال واحد
حي .. تولد
وماتموت ,, إلا بـ آه
ماهو لذنب أقترفته
لا.. ولكن
لأجل يكمل فيك معنى .. هـالحياه
(محمد المطيري)
كل الأماكن وطن وعيونك المنفى
وأنا غريب لقى في عيونك دياره
ياساكن القلب خذني للوجع تكفى
مدام ذنبي كبير أكبر من أعذاره
البرد موحش دخيلك بس كيف أدفى
وأعصاب جرحي من التأنيب منهاره
أدري مقصر لأنك دايم الأوفى
لأنك انسان فعلاً صعب تكراره
(غير معروف)
