يا غايبه إلا عن الخافق سلام
ردي علي يا همسة العاشق سلام
ردي وخذي مني ليالي من العمر
أقطف لك النجمه و أذوّب لك قمر
و ألبسك ثوب النسيم و أعطّر أيامك زهر
و أقول احبك و أفرش لك الدنيا حرير
ماهو على الغالي كثير
(خالد الفيصل)
من ألف باء ..الوجود
إلين ياه
صاحبي ..
والحال واحد
حي .. تولد
وماتموت ,, إلا بـ آه
ماهو لذنب أقترفته
لا.. ولكن
لأجل يكمل فيك معنى .. هـالحياه
(محمد المطيري)
لك حق تزعل ثم لك حق نرضيك
ما اقوى زعل حبيب قلبي وعيني
ما دام قلبي يا اريش العين مغليك
اطلب ولك روحي وما في يديـني
لا تنشغل مالك وزينٍ يضاهـيك
ابيك أنا لو كان غـيرك يبيني
اول غناتي صوت الأشواق يدعيك
واخر غناتي شق صدري حنيني
(خالد الفيصل)
