بعد فقد الأمل في رجعتك ماعاد لي إلا
أسلّي القلب عن طاري غرامك وادفنك فيني!
أنا والله مالي قوة ٍ لو كنت تتغلا
أجل وشلون لامنّي دريت إن انت ناسيني ؟
(زياد بن فهد)
علموه إني ما احبه كثر مايحبني
والله أكثر بس عشانه أقول إنّا سوى !
وعلموه إنه تركني وانا محتاج له
حاجتي للدمع , والزاد , والما , والهوا!
قد دعالي إني أنساه لكن مانسيت !
يمكن إنه كان يدعي بغير اللي نوى!
(ابراهيم الرشود)
جيت للدنيا وحيد وبأترك الدنيا وحيد
مبتدا دربي عرفته والله ادري بمنتهاه
وأدري إن الخاتمه إما شقي وإلا سعيد
يالله إجعلي من إسمي حظ وإرفع مستواه
(سعيد الحمالي)
وإن بغيت أسج بين الناس جتني وأحرجتني
لين أجر الونّه اللي من سمعها جـض منهـا
أكتم السر الدفين وجامح أشواقـي عصتني
رهن إشارتها أنا والشوق تامرنا وتنّها
إن خذاني الموت..وإلا يا مبارك.. هي خذتني
وإن قتلني حبها.. ذي غلطتي.. وأدفع ثمنها
(سعيد الحمالي)
