يا حبيبي والدروب اللي تجيبك مستحيله
ما يجيبك غير ليل ٍ يحترق جمر وخطايا !!
كيف ابانسى ليلتك والصوت واللي سال سيله
وكيف ابانسى لعبة التوت الحمر بين الشفايا
(فيحان الصواغ)
آسفه .. كنت احسب انك قدّ ما آحـبك تبيني
قلت يمكن تشفق الدنيا عليّ .. و اطري عليك ؟
ما هقيت انك ولا مرّة ..كذا ..فكرّت فيني
يوم انا مالي وجـــود إلا إذا فكرّت فـيك
(عبير أحمد)
يا عيوني أنت يابعد كل حالي
أنت بحياتي شي ما يشبهه شي
مشاعري يمك تنادي آمالي
وأنت لقلبي كنك النبض والضي
زيد التغلي بس هات وصالي
أنت ضميرك حي وأنا بعد حي
(دعيج الخليفة الصباح)
يمكن يضيع الشوق في داخل انسان
ويمكن يضيع انسان من كثرة الشوق
وكم من عيون(ن) بالهوى شانها شان
يسوقها ليل الألم والسهر سوق
أحدن شكى همه على فلان وفلان
وأحدن يعاني مادرى فيه مخلوق
(غير معروف)
بنيت لك بالقلب قصر من ألماس
ما ينهدم لو حاولوا يهدمونه
عليه يوقف وسط الأبواب حراس
ممنوع قصر تسكنه يدخلونه
آمر تدلل وش تبي دق الأجراس
حنا حراس قصرك وحنا عيونه
(غير معروف)
