خذ ذكرياتك حبنا اليوم خسران
حنا ظلمنا الحـب بأول طلوعه
هذي نهايتها جروح ٍ وحرمان
ضاقت على قلب ٍ ضنونه تروعه
يكفي ترى ماعدت أنا اتحمل اشجان
يكفي من اللي صار نفسي قنوعه
بودعك قانع وماني بندمان
ومافات مات وصـعب والله رجوعه
(سعد المطيري)
لوبيدي لأخليك مرتاح
وأعطيك راحتي وأزيدك عليها
وتصبح حياتك كلها أفراح بأفراح
وأرسم لك البسمه واحسسك فيها
وأعطيك لأبواب المقابيل مفتاح
وتمشي لك الدنيا على ماتبيها
(طلال السعيد)
خلاص أنا طويت الاوراق واقفيت
ولا عاد لي في ماض الايام رده
كل الايام الماضية ماتهنيت
تعبت من جور الليالي وعده
ما رجم الا فوق راسه تعليت
راع الهوى الولهان محدٍ يرده
(غير معروف)
لو تغيبي ولو رحل وجهك حبيبي
في غيابي عنك أشوفك
وفي عذابي منك أشوفك
صدقيني ما نقص هالليل بعدك إلا قمرا
وما فقدت من النهار
إلا شعاع الشمس بكرا
واجمل الناس حبيبي
(بدر بن عبد المحسن)
تبي تعرف السالفه من جد ووضوح
كلمة بسيطه واحده وترجمها بشهر
ايه أحبك قلتها وانا كلي طموح
ولاني بناكر كلمتي ولا عندي له عذر
يعني بالعربي الفصيح يا مالكً هالروح
افعل بها ما تشاء فإنك اليوم قدر
حلي حلاك وذنبك اليوم مدموح
وحرمك حرام علي ان فيه استمر
(حمود الاسعدي العتيبي)
