أبيات القصيد - أجمل أبيات الشعر العامي

ليل حرماني

تطاردني هواجيسي ليامني بغيت ارتاح
واحس بضيقة الخاطر ويبدا ليل حرماني
وارد الباب من دوني واصك القفل بالمفتاح
وتوافد صوبي الاحزان والافراح تنساني
واشب شموع حزني يومها تغني عن المصباح
وترافقني همومي كنها واحد من اخواني
(حمد بن سعد المسرع)

المزيد

مابيك تستغرب

يانور عيني ظمني بين اياديك
واسعد عيونن شوفتك هي دواها
مابيك تستغرب ولا تقول وشفيك ؟
لك وحشتن قلب العنا ماقواها
(حمد بن سعد المسرع)

المزيد

مات حبك

مات حبك والبقية في حياتك
في حنايا خافقي لاقى مصيره
خذ مع الجثمان باقي ذكرياتك
تجربة حبي معك كانت مريرة
ما يعرف الحب من سوى سواتك
يجهل الاخلاص من ضيع ضميره
حبك اللي تدعّي هو حب ذاتك
ومن يحب الذات ما يخلص لغيره
(سعود بن بندر)

المزيد

استكثرك وقـتي

استكثرك وقـتي علي وغـدا بـك
عـادة زماني كلما طـاب هـون
ليـت الذي وداك يا زين جابك
تـشوف عـقبك كيف الايام سـون
عود ترى داعي الـهوى عند بابك
واروِ القلوب اللي بعد ما ترون
غـنيت لـك عـمري ولا جا جوابك
واسـمي مع مـجنون ليلى تـدون
(خالد الفيصل)

المزيد

العيون خلها تحكي

العيون انـدى ينابيع الحقايق
خــلها تحكي لي اسرار الزمان
(راشد بن جعيثن)

المزيد

من عافنا عفناه

مجبور تبعد يامنى النفس وانساك
مجبور انا ابعد واتركك لليالي
خلك مع اللي تنتحي له ويهواك
من عافنا عـفناه لو كان غالي
منته بعيدٍ لابغيتك ترى القاك
دايم رفيقٍ لي مرافق ظـلالي
ادعـي ولي العرش يازين يرعاك
قلـبي مع الايام لابد سالي
(ريم الصحراء)

المزيد

لك حق تزعل

لك حق تزعل ثم لك حق نرضيك
ما اقوى زعل حبيب قلبي وعيني
ما دام قلبي يا اريش العين مغليك
اطلب ولك روحي وما في يديـني
لا تنشغل مالك وزينٍ يضاهـيك
ابيك أنا لو كان غـيرك يبيني
اول غناتي صوت الأشواق يدعيك
واخر غناتي شق صدري حنيني
(خالد الفيصل)

المزيد

نسيتك

لا ما تذكرتك ولايمكن أذكـرك
أنا الى مني نسيتك ..نسيتك
لو كنت أحبك بخـسر الحب وأخسرك
هـويت هجـرانك..كـثر ماهـويتك
لاتنتظر منـي علـى حـزني أشكرك
ياعبرة عيوني..قنعـت وبكيتك
أبذكرك ..لا من نسيتك وأبعذرك
وابذكر اني بعد ماذكـر..نسيتك
(سعد ال سعود)

المزيد

ودعتها

ودعتـها واخـفيت عنها دموعي
خايف تـحس بحسـرتي والتياعي
في لحـظة التوديع هـديت روعـي
بيـني وبين النـفس قمة صراعي
قـالت فمان الله وانطر رجـوعي
واشـرت بالتوديع حال استماعي
ساكـت ولارديت مـاهي طـبوعي
من عـبرتي تفرض علي امتناعي
(طلال السعيد)

المزيد

وين ابو فيصل؟

الحزن لف المدينه والجزيره صاحت
وين ابوفيصل عسى الله يرحمه ويبيحه؟
العيون اتهل عبره والحمامه ناحت
و الاصابع بين تهليلن معا تسبيحه
(حمد بن سعد المسرع)

المزيد

بيت مختار

يا صاحبي خل قلبي يدله أحلا له
القلب لا سج عن موضوعك أريح لي
أنا إلى جيت عندك صابني حاله
جوارحك كلبوها عنك تشرح لي
الوضع مزري ويؤسف له ويرثاله
حاول على وضع يصلح لك ويصلح لي
أما اعتبرني ذكي منتب على باله
وإلا اعتبرني غبي مره ووضح لي
ليا متى وحنا على ذا الوضع والحاله
تقودني للخطا وأخطي وتسمح لي
(سعد بن جدلان)

عبادي

المزيد