أكابر

وافرح بقلبي ، ولا ابيِّن الفرحة وأعود
أبكي ، وأغطِّي عيوني ، وأكابر بالعناد
(ناصر الهاجري)

اتحبني ؟

قالت :أمانه بنشدك ؟ ومن موقفي لا ، لاتخاف
اتحبّني ؟ قلت : اسمحيلي ! احسب ان به سالفه !؟
الحمد للّه والشّكر قولي : عسى مابه اخلاف !؟
والاّ المحبّة ، يا بري حالي ! عروقي تالفه !؟
قالت : أجل عطني الدّليل ؟! وقلت : هذا الاعتراف
( سيد الأدلّه الاعتراف ) روحي لروحك والفه !؟
من جدّك ؟ انتي ؟ اعشقك ؟ إلاَّ بِي اسْرفتي اسراف
وحدب الظّلوع العوج ، من عشقك غدت متخالفه !!
(ناصر الهاجري)

ذكراه في قلبي

ذكراه في قلبي وتحييها الدّموع
ونُوُدِ(ن) بها ريح الحِبَيِّب حيّها
(ناصر الهاجري)

أنا ما ازعل

ومدام ان الزعل مثل الرضا يبقيك في بالي
انا ما ازعل ولا ارضى منك انا ازعل عنك وارضابك
(فهد عافت)

آآآه لوتدري

من شفايفها صباح الخير شكل وطعم ثاني
آه لو تدري وش تسوي صباح الخير فيّا
كل ما عز الطلب عندي وقالت لي عشاني
قلت من هذي قبل هذي وجابتني حميّا
(فهد عافت)

انكسر رجال

على نفس هذي الطاوله من ثلاث سنين
رمت بنت دبلتها الذهب وانكسر رجال
وشدّت يديها وارتفع صوتها وبعدين
أنا لازم أمشي وانت يكفيك لعب عيال
هنا مات حب ويبس قلب وتملت عين
من الملح وإندفنت حكاية فرح وآمال
وجيتي تبين نرجع اللي مضى الحين
أنا من ثلاث سنين بطلت لعب عيال
(فهد عافت)

يا قلب لا تحزن

يا قلب لا تحزن ولو طال ممشاي
خاو الصبر والاّ التعب طبع دربي
( ناصر القحطاني)

توادعنا

توادعنا وودعنا المكان وحارت الاقدام
ولا ملت شفاه افواهنا ترديد اسامينا
ايلين الدمع طاح وطاح معه الشال والبسام
ياليتك تدرى بذيك الدقايق وش حصل فينا
(ناصر القحطاني)

اللي سكن في ناظرك

يقولون الزمان اغبر وانا اقول الزمان بخير
ما دام اللي سكن في ناظرك ما طاح من عينك
(ناصر القحطاني)

أمري في يديها

علموها بس والا علموا كل البرايا
انها اللي عوّد امري من يديني في يديها
والله ان تبطي وهي تختال من بين الحنايا
مره تسمي عليَ ومره اسمي عليها
(ناصر القحطاني)