ماهضم قدر القبايل شام والا من يماني
ما خبرنا في العرب رجلٍ وله لابة يضام
ولاتحسب اني بجامل في عريبين المجاني
الكريم يفور دمه لا سمع سب الكرام
(سعيد الحمالي)
إذا بيوت العنكبوت اللي كتبته حاستك
بلملم شتاتك ولملمني إلى عيد الفطر
والورده اللي شوف عيني في خدودك باستك
مالومها يوم الندى من حر مافيها قطـر
ياليتني عصيرك اللي ينسكب من كاستك
اذوب من بين الشفايف واقلب الدنيا مطر
لاتلومني وانا كثير اسعى علـى وناستك
ودي بشيٍ مايخلينا على نفس السطر!
(صالح السهلي)
