بالحلم اتعبت الخدم والسلاطين
حققت في حلمي جميع امنياتي
طقيتها عوجا وجتني على الدين
تعدّلت بالحلم كل ميَلاتي
كسبت مال وقدّروه بملايين
حبيت لي عذرا وقالت حياتي
(ماجد العبدالله الشمري)
لبّيه قالتها وانا ماندهته
وانا قبل تنده علي قلت لبّيه
يابيه موية نيلكم ماشربته
شربت من وادي وسط نجد يابيه
ياهيه لو تفنا العرب ماتركته
والله لو افنا انا وانت يا هيه
(ماجد عبدالله الشمري)
شمس الأمل غابت وليل الياس طال
واحترت بين الحب وأقوال العذول
قلبي سألني عنك واحتار السؤال
قل لي..لقلبي ياحبيبي ويش اقول ؟
أقول هاجر..لاحشى هذا محال
حنان قلبك دون هجرانك يحول
انت الذي علمتني معنى الكمال
ماظنتي تعمل بعكس اللي تقول
(الحميدي الحربي)
