بالحلم اتعبت الخدم والسلاطين
حققت في حلمي جميع امنياتي
طقيتها عوجا وجتني على الدين
تعدّلت بالحلم كل ميَلاتي
كسبت مال وقدّروه بملايين
حبيت لي عذرا وقالت حياتي
(ماجد العبدالله الشمري)
لبّيه قالتها وانا ماندهته
وانا قبل تنده علي قلت لبّيه
يابيه موية نيلكم ماشربته
شربت من وادي وسط نجد يابيه
ياهيه لو تفنا العرب ماتركته
والله لو افنا انا وانت يا هيه
(ماجد عبدالله الشمري)
يارب عونك ضاق بي كون دنياك
يارب عطفك وإستر الحال يارب
أنا شكيت الحال في قصد رجواك
أنا أبوح بضيقتي من سبب حب
أبي الصبر ثم الفرج بعد ما أنخاك
أبي الدواء لجروح ما عالجه طب
لأن الفراق طعون ومشوع وأشواك
لأن الأمل في فزعتك بس يارب
(فارس الشايع)
