مل قلبن له عن الغالين مده
ما يحسبها شهر ولا اسبوعي
له سنين ومن غلاهم وصل حده
وعادته باللي يجي منهم قنوعي
أدنى شين بالمواصل له يسده
والا جفوه تشوفه بشكلن يروعي
وده يسير وياصل مير اشده
لايخلي منزله بين الضلوعي
(عبدالإله الحجي)
يوم اني اشر على صدري وعينك تويق
واقول انتي هنا وتقولي انـت هنه
الهاء في آخر كلماتك بصوت رقيق
يشطب على برمجة سمعي ويستوطنه
منتي بشر جعل من جابك ضحية زريق
شارعك يحسب لك بالامتار يامفتنه
إليا انتصفتيه يضيق وكل ماله يضيق
كنك كوكايين..وأرصفته خشم مدمنة
(سعد علوش)
