يقولون العرب صدر الشمالي مايضيق بساع
وانا اقول الصدور اليوم ماعادت شماليه
بدت في داخلي ضيقه عجزت القى لها مطلاع
تغيب وترجع وترجع تغيب ومالها نيه
عمتني كلمة جتني وضقت وضاق صدر القاع
الا يالله لاتجزى غشيم قالها فيه
(خلف المشعان)
ودي ابكي لين مايبقى دموع
ودي اشكي لين مايبقى كلام
من جروح صارت بقلبي تلوع
ومن هموم احرمت عيني المنام
انطفت في دنيتي كل الشموع
والهنا مايوم في دنياي دام
ان شكيت الحال محدن لي سموع
وان سكت.. الناس زادوني ملام
(بدر المليحي )
