حالي بعدكم حال من يطرد الثأر
لأخوه واللي ذابح اخوه عمه
أبوه يقول النار ماتطفي النار
وامه تقول اخوك لايضيع دمه
زود على همه من الوضع محتار
يتبع كلام ابوه والا رضى امه
(محمد المهنا)
حبك جمعنا روح من عقب روحين
حبك سكنته غير سكن المباني
به من صفاتك يمكن الزين والشين
بس في عيوني انتي شيخة زماني
ولو ان سنيني بالعمر فوق الالفين
نذر لحبه لين دفن المحاني
(غير معروف)
بغني لعيونك في حزني وفرحي
وبكتب عيونك قصيده لجرحي
واخلي ابتسامك دموعك كلامك
قمر هالسوالف في ليل السكوت
ولو الف نجمه في عيني تموت
في حزني أحبك ويأسي أحبك
أحبك ما أقول أوقات
(بدر بن عبدالمحسن)
