بالحيل فايض زينها هالعيطموس
مثل العطر لا فاض عن زجاجته
تلفت نظر والمشكله بعض النفوس
في وجهها تحلم وفِي ديباجته
ليت الحلا مثل الملابس والفلوس
حتى اتبرع به على محتاجته
(احمد سويلم الاسحم)
صدفه غريبه والحقيقه ماعلى الدنيا غريب
يازينها صدفه بلا سابق وعد يازينها
الله صرفها لي مثل صرف العلاج من الطبيب
اثر الجروح اطيب لامن عولجت في حينها
لا طاب جرحي منه من غيره لعله مايطيب
يطعن وطعناته على شان الغلا راضينها
(ابن وسام)
