يعني اموت من الغلا عشان ابين لك غلاك
والا عشان احلى بشر تبيني لعبه في يديك
الله يرحم والدينك لاتسولف عن حلاك
الشمس قبلك سولفت عنك ووصتني عليك
(عطالله فرحان)
لابغيت في يوم تسوي فيني معروف وجماله
ياتجي كلك معايا يا تخليني بحالي
حبه حبه انت ظالم والهوى يبغي عداله
خلنا نطلع من الواقع على الجو الخيالي
انت عمرك شفت واحد يسولف مع ظلاله؟
هذا انا وكثر ما اشعر فيك احس انك ظلالي
(عطالله فرحان)
تعبت اعديها على خير واعذرك
وافتح معك كل يوم صفحه جديده
ماهو عشان الناس كله لخاطرك
سويت منك السالفه والقصيده
حاولت اعدل في مزاجك واغيرك
عشان اطلع منك جمله مفيده
(عطالله فرحان)
تسوين من نجمات هليود مليون
وأميره الفضل ورزان وحليمه
من يوم شفتك عفت لينا وميسون
وأحلى العذارى في عيوني دميمة
ومن أجل صوتك أحترمت التليفون
أعامله با أعلى وقار وحشيمه
الجسم روعه والمشي حيل موزون
معزوفة العشق الفريد القديمه
اقبال..له كل المشاعر يفزون
واقفاي.. يغري بارتكاب الجريمه
(سعود الحارثي)
