من منطلق فرض الحصار المحكم
على سواحل خافقي وشجوني
أقصفني من هجرك ومن نكرانك
وخل الضحايا من دموع عيوني
دام المشاعر تشجب وتستنكر
ما ألوم قلبي لو تزيد غبوني
50 عام نحوس لأجل الهدنه
مسلم لعب في حسبته صهيوني
(ماجد المقاطي)
يالله عسى من تركني ساعة الشدّه
تحدّه ظروف وقته لين ياتيني
حتى إنّي أعطيه مطلوبه ولا أردّه
ويشوف فرق المراجل بينه وبيني
أنا رفيقي على العسرات ما احدّه
أدرى رفيقي مثل ما ادرى على عيني
وأنا رفيقي ليا شفت الزمن ضدّه
أقوم في واجبه من قبل يدعيني
وإن كان لا جاء لزومي يقدر يسدّه
وألاّ ترى العذر لا جاء منه يكفيني
ما يوجع الكبد كود البور والصدّه
من واحدٍ يقدر وما قام يسقيني
(مشعل بن سابر)
