اتحرى من زماني ساعتين
ساعه وداعه وساعه جيته
واحترق في كل ساعه مرتين
خوفي ينسى او تطول غيبته
وبس يقبل تعتريني رجفتين
رجفه الفرحه ورجفه هيبته
مات قلبي يالخلايق مرتين
يوم شفته ويوم روحي حبته
(غير معروف)
حتى انا كذاب ماهو بس انتي
وشهوله ازعلْ لو كذبتي عليّـه
خنتك كثير ، وشفيها لو يوم خنتي
لاني وفي ٍ لكْ ولا انتي وفيّـه
لا اليوم لي صرتي ولا امس كنتي
انتي خطيّـه مثل أيّـت خطيـّه
آسف لنفسي منكْ وآسف لك انتي
وادري اعترافاتي شويّه قويّه
(طلال العبدالله الرشيد)
