تصبح على خير ياصوت(ن) يسامرني
يدفي شعوري ليامن عانق اسماعي
ليمن سمعته يسرّيني وياخذني
مدري على وين ياخذني وانا واعي ؟
أنسى من الناس دام انه مواصلني
أبحر معا نبرته وارفع له اشراعي
(حمد بن سعد المسرع)
هذاك انا اضيع لا طالعت نظراته
بعيونه السود يسمح لي ويمنعني
احلى علامات في الدنيا علاماته
متع نظر من شافه ومتعني
خلوه يخطي انا راضي بسياته
يخطي بكيفه ولكن لا يقاطعني
من كثر ما اغليه صرت افرح بزلاته
ولو قلتوا أخطا عليك اقول: وش يعني؟!
(خالد المريخي)
