مشاركات بواسطة بتال

اسلوب مهايط

ياليت عندي حظ و الا واسطة
و اقابل اصحاب السمو الواصلين
واكتب لهم معروض.. قصدي خارطة
عن عمري اللي ضاع مدري ضاع وين
و اجي هنا باسلوب فيه مهايطه
و أقول قابلت الملك و العلم زين
(فيصل بن عباد)

فديت العيون

فديت العيون اللي بكتني جفا و بعاد
و أنا و الله اني ما نويت البعاد إلا
أبي لي مع أنسام الهوى و الجوى ميعاد
و أنا خابر ٍ شعري ليا اشتقت لكـ هلا
(فيصل بن عباد)

أنا لقيت..

أنا لقيت الجهد في وجه الإجهاد
و الحق في سد الظلم و الظلالات
والنور لعيون التوافيق ينقاد
والمستحيل أقرب من الاحتمالات
والعزم مبتاله على عد و إعداد
والصدق يسبق و الخلافة خلافات
والمجتمع يعني جماعات و أفراد
و لا يفضح الأمات مثل المُلمات
(فيصل بن عباد)

المحبه قبل الزواج

المحبه ماتجي قبل الزواج
تعتريك بضيق وأوهام وحزن
خصّ لاسوّى ضميرك إحتجاج
وأقلقك ْ تأنيب وأثّر عالبدن
ماهو بس مبدأ ولكنّه نتَاج:
غربة..اللي سنين تبحث عن وطن!
(مي اللاّفي)

لا تذرفينه

يمكن مع الأيام تآتي غبينه
وأحتاج عينك والدموع ولضاها
فإن كان عندك دمع لا تذرفينه
عيني قضى من فقد الأحباب ماها
(سامي العرفج)

يا موطني

يا موطني خل القصايد على جنب
لا نيب لا شاعرك ولا أنت ملهم!
لكن ليا من اقترف بك حدٍ ذنب
عهدٍ علي.. لاخلي الوضح تجهم!
(سامي العرفج)

لو السنين

لو السنين تطول مع كل صدمه
والله لا أعيش وتفني الخلق ما متّ
(سامي العرفج)

وجه امي

ما يشبه الصبح غير أحيان وجه أمي
اليا غشته الدموع وعقبها ارتاحت
(ريم المطيري)

قربت للثلاثين

اللي نصفني في حياتي قليلين
وانتي من اللي التجيه ونصفني
يمه سنيني قربت للـ ثلاثين
راح العمر مع لذته ما صدفني
شوفي العذارى زينتها الفساتين
وانا البياض ابلبسه عند دفني
(ريم المطيري)

القناعه

مدام وجه القناعـة بالرضا ملتحي
خل الفقر يدسم الشارب ويشبعك جوع
الوقت لوّه على وجهه يبي يستحي
ما كان نزل دموعك وأنت غالي دموع
(سامي العرفج)