مشاركات بواسطة بنت الأجواد

المآسي عصابه

يا صاحبي لاعاد تسأل اذا رقت
وانا وحيده والمآسي عصابه
ياليتني من نومتي امس ما فقت
مادام صار الجرح ماله مهابه!
(آهات ليل)

دعابه

الوقت جاير والبلا ماهو الوقت
مير البلا ناس ٍ سعوا في خرابه
اي والله اني من بلا هالزمن ضقت
الين ما احتديت صوب الكآبه
حتى الذي يجرحْك يسألك صدقت؟
يعني جروحه صار اسمها دعابه !
(آهات ليل)

قف

وانا عسفت الحرف من جرحي وغيري ماعسف
ماغيره الراعي ترا يفهم سياسات الرعي
هنا جروح أرجوك لا تاطى على جرحي و قف !
هنا ابتسامات ٍ قتلها الهم وسجلها نعي
هنا دموع ٍ حارت وسالت على الخد بشرف
حتى تصحّي قلب عايش بالحياة بلا وعي
ورغم الجروح اللي غزتني باقي(ن) فيني شغف
شفني ابتسمت لكل منهو طعنته بين اضلعي!
(آهات ليل)