تجين نشاور اهداب السحاب اللي عجز يرتاح؟
وش احلا لون فص الشمس والا لون وجناتك!
تجين نعلم التوت المشي ونزخرف التفاح؟
ونشرح بالكرز والثلج كيف تسيل ضحكاتك؟
(عبدالمحسن بن سعيد)
لا تأخذ القلب رد القلب يا قلبي
وشلون تبغى يعيش اللي معك قلبه
كانك نويت الرَحيل بقلبي ارحل بي
خُذ صاحب القلب هو والقلب وارحل به
خل الوفا من طباعك لا تمنذل بي
حدد حبيبك وحدد من تمنذل به
منك الجفا طال والولوال طول بي
وقلبي عذابك توحد به وطول به
(منصور الرمالي)
