انكسرت من الفراق وشوف عيني
شوف عيني وانت تدري بـ انكساري
كل ما مديت لـ وصالك يميني
رحت تتجاهل يميني مع يساري
حتى صرت اشوف جرحك في يديني
في يديني جور صداتك مواري
حس فيها لا.. بلاها حس فيني
لا تعبرها لكن رد اعتباري
(سعد علوش)
مليت من هالأماني.. دام مهي ممكنه
لاهي تحقق.. ولا يأسي بوجهي يبين
إلوين أنا وأنت..مثل الشمس والأزمنه
مع كل صبح يجددني لشمسك حنين
أبيع عمري لجل أنساك..أو أرهنه
وأعيش ليله..أقول إن جيتني..إنت مين؟؟!
(طلال الرشيد)
يبان الشوق في عين المعذب
ويبقى الدمع تذكار الأحبه
على العشاق مافيه شي أصعب
من فراق الأحبه للأحبه
ولابه شي في هالكون أعذب
من عناق الأحبه للأحبه
(خالد بن يزيد)
من بادي الوقت وهذا طبع الأيامي
عذبات الأيام ماتمدي لياليها
حلو الليالي توارى مثل الأحلامي
مخطور عني عجاج الوقت يخفيها
اسري مع الهاجس اللي مابعد نامي
واصور الماضي لنفسي واسليها
(خالد الفيصل)
اعذلوني فيك عشاق النصيحه
وانشدوني عنك طرفين الحكيه
إن شكيت من الهوى قالوا فضيحه
وإن سكت استنقظوا جرحي عليه
كيف بخفي الحب وجروحي صريحه؟
كيف احجب الشمس ياخلي بيديه؟
من عذلني بالهوى الله يبيحه
ومن عذرني ماحصل مني خطيه
(بدر بن عبدالمحسن)
ياعل قلب ماشكا الحب والتاع
تنهار من فوقه محاني ضلوعه
ياما نهيت القلب لاشك ماطاع
ماطاع يدله والليالي تلوعه
أثر المولع دمعته تجرح القاع
وإلى ذكر مافات هلت دموعه
(خالد الفيصل)
قد كان بُوسعي
مثل جميع نساء الأرضِ
مغازلةُ المرآة
قد كان بوسعي
أن أحتسي القهوة في دفء فراشي
وأُمارس ثرثرتي في الهاتف
دون شعورٍ بالأيّام وبالساعاتْ
قد كان بوسعي أن أتجمّل
أن أتكحّل
أن أتدلّل
أن أتحمّص تحت الشمس
وأرقُص فوق الموج ككلّ الحوريّاتْ
قد كان بوسعي
أن أتشكّل بالفيروز، وبالياقوت،
وأن أتثنّى كالملكات
قد كان بوسعي أن لا أفعل شيئاً
أن لا أقرأ شيئاً
أن لا أكتب شيئاً
أن أتفرّغ للأضواء وللأزياء وللرّحلاتْ
( سعاد الصباح)
