لا قلت ضاايق جد أنا ضايق
محدن يبدل وسع خاطر بضيقه
فايق أنا ومرات ماني بفايق
ضايع مع الأحزان ونفسي غريقه
ضايق وكني مع هل الود رايق
همن سكني تعجز أنت تطيقه
من كبر همي كن هالهم سايق
يمشي على كيفه ولا أقدر أعيقه
(خالدعايدالعنزي)
يومها بين ايديني والغلا عادي
ويوم قفت تفجر حبها فيني
كنها حطت التوقيت بفؤادي
لامشت حبها يفجر شراييني
قبل تقفي وانا متماسك وهادي
وعقبها ضاق كل الكون في عيني
غلطتي كنت متراهي ومتمادي
كنت احسب الزمن والوقت يمديني
واثر من لا تغانم فرصته غادي
اه يا فرصتن ضاعت من سنيني
(حمد السعيد)
