أمانه قبل أروح وينتهي كل شي طالعني
عشان تعرف وش معنى العطا قبل الأنانية
ابرحل والطريق اللي يوديني مايرجعني
ما أبي يجيني ذكرى حبك وطاريه
(عطاالله فرحان)
الوقت ضايع والبطاله فعلها فينا مقيم
اكبر مشاغلنا مسج ونرشح السوبر ستار
هذي حضاره ماتجملنا وذا واقع أليم
وين المبادي والقيم وين المعزه والوقار
في هالزمن ما عاد تعرف من كريم ومن لئيم!
في هالزمن كل شي توجه باتجاه الانحدار
الله يثبتنا على نهج الصراط المستقيم
والله يحسن خاتمتنا في زمن صاير دمار
(فيصل اليامي)
