إن طلب عيني رضا قلت ماغيره نظير
وأن شرب دمي غضب قلت يستاهل فمه
وا هنيه يرقد الليل مرقاد الغرير
كن نومه لابغى يهزم الجفن هزمه
لو صحيح إن الحبيبين يجمعهم مصير
كان نفس اللي حرمني من النوم حرمه
(حامد زيد)
أضحكي ما تشبهين الا المرايا
وإن طلبتي أحلف والله ثم والله
إنك أجمل من عرفته في البرايا
وإنك أغلى من مشى في الكون كله
وإنك آللي ضحكتك عطر وهدايا
من يضيع بدربها محداً يدله
صوتك لحاله مسوي بي سوايا
بحته تقطع قلوب مسفهله
كل ما ظنيتي إنك بالحنايا
أفرحي يا بنت ظنك في محله
(فلاح السبيعي)
