مد السوالف مدها خلك كذا شفاف
ترا غيابك في غيابك سل فيني سيوف
إلا على طاري الغياب وشفيك ماتنشاف؟
مدري تغلي أو جفأ ولا ذبحك الخوف!
ترا التغلي والجفأ لا صابتك تنعاف
حتى إتصالك لا حشا مايغني من الشوف
(صالح آل شنيف)
جيتك بقايا هموم واحزان ودموع
جيتك جروح وجيت كلى تناهيد
جيتك حطام نفوس وقلوب وضلوع
جيتك ضياع العمر من غير تحديد
جيتك وكلى من بقايا موجوع
جيتك غصب ماجيت ودي ولا اريد
(غير معروف)
