مد السوالف مدها خلك كذا شفاف
ترا غيابك في غيابك سل فيني سيوف
إلا على طاري الغياب وشفيك ماتنشاف؟
مدري تغلي أو جفأ ولا ذبحك الخوف!
ترا التغلي والجفأ لا صابتك تنعاف
حتى إتصالك لا حشا مايغني من الشوف
(صالح آل شنيف)
ياعصافير حتى دفتري يشتهيه
كن بينه وبين الشعر حالة هيام
كل سطر يتمنى اكتب اسمه عليه
وكل صفحه تهندم للقلم باحترام
ياعصافير واللي بالسما نرتجيه
انها عيطموس من رجال عظام
بنت شيخ تخاف الشمس تشبه يديه
لا شرق نور كفه طاح حيل الظلام
يخجل الشعر فيني منه قبل ابتديه
والحروف تّعذر عن حروفه صيام!
ياعصافير مثلي لاسكت اعذريه
دام مني قصيدي لاجزع مايلام
يدري اني ابيه ولاابيه وابيه
وهو يبيني وبيني وبينه الليل حام
(خالد الردادي)
