مني لكم كل التحية وتقدير
أقولها للي لهم قدر وحشوم
لااهل الوفاء والطيب صدق التعابير
رجال لاشتدت مواقيف وعزوم
انجزتم الموقع ومن دون تقصير
موقع منوع فيه فن وبه اعلوم
يظهر لنا الواقع ومن دون تغيير
فيه التراث وحفظ عادات واسلوم
(سالم بن عروان)
مشكور يادكتور ع النقد والتلميح
مدري انت شاعر تعرف الوزن والا القاف
والا تكن من ضمن لجنه تعطي التصريح
وانا ابني بيوت الشعر واجيدها ماخاف
اقول لك .. خلك في الطب والتشريح
واترك بيوت الشعر وبحورها والقاف
(سالم بن عروان)
عطله فراغ وقلت:بتعلم أكلات
وهذا كتاب الطبخ عندي بجزئين
أبي يحَطْ إسمي ضمن قوم جيّدات
لأني زهقت إسمي ضمن قوم حلوين
لأن الذكا دايم ملازم لسحتات
والا الغبا أبرز صفات المزايين
سويت شكشـوكة وحمسه.. سهالات
لكن: كسرت قلاص..وخمسة مواعين
ومرت ثلاث شهور وجت الدوامات
وطبخي أكلته زين والا مهو بـ زين
ويومي وعيت ..أسمي ضمن قوم بطات!
وملاحظة "رفلة" ومن تحـت خطين
(ونات)
