تضيق بي الدنيا بكبرها من معابيس الوجيه
وهذاك لامنه تبسم شفت للدنيا طرف
مني وليه احببته اهو حبني منه وليه
من غير لا أنا اعترف ومن غير لاهو يعترف
(سعد علوش)
حبي لها ياعالم يغطي سنا الضي الكبير
حبي لها ماينوصف حبي لها فوق الخيال
ترفٍ خذا قلبي وأنا توي على حبه صغير
أضيع في وسط العشق أضيع في جال الظلال
أشوف قلبي منجرف في عشقها مالي خشير
يعوم في بحر العشق.. يعوم بأطراف الدلال
هنوف قلبي يابعد حيّي وميتي ماينير
صدري سواها شوفتك ياكامل أوصاف الجمال
(فارس الشايع)
