تمدحون الوقت والا تشتكونه
الردى في الروس ماهو في زمنا
وما يعيب الفقر ياللي تلعنونه
لو رفيق الفقر في وقته تعنا
وما ينول المجد من طبعه ليونه
والأماني غربلت منهو تمنى
(سعيد الحمالي)
لا تنتظر رجعتي اليوم او بكرا
أنا نسيتك وابيك اليوم تنساني
دام الوصل بيننا إجحاف وحسرا
الله وكيلك وشف لك واحد ثاني
ياما شريتك غلا والا انت ماتشرا
كله لجل ما تعيش العمر وحداني
وياما سريتك ولكن ماوراك مسرا
ليلك عتيم! ودربك ياالحزن فاني
واللحين خلك مع الخيل ياشقرا
وانا بروح لمن هوُ بالغلا اشقاني
(فهد الماضي)
