معشوقتي من عمر جيل ومدرسة مليون جيل
معشوقتي رمز السنين اللي تجلت وانجلت
إللي على كثر المصايب كل مافيها جميل
الناس لا كبرت تشين وذيك لاكبرت حلْت
لامن تثنت للهبوب تميّل اللي ما يميل
وان مالت عقول الخفاف من الرجاجيل اثقلت!
(حامد زيد)
يافهد جاني على سبكة المعنى خراش
كنّ بين اضلع حشاي الف جنّّيّ غوش
افرق النقطه عن الفاصله بثنين داش
لا أبو حشّ الردي لا أبو واليه حش
لا أبو عين عن الشوف لاحقها عماش
لا أبوها اذن عن السمع لاحقها طرش
ذا وتالي القول مثل اوّّله واللاش لاش
شش ياراسي لا رحم رحم ابو مجناك شش
(ناصر الفراعنه)
