ليه تجرحني وانا كلي جروح
ماكفاك اللي حصل في حياتي
ارفق تراني ناشف الحلق مبحوح
من كثر ما اشرح لك وصية وفاتي
لو الزمن به خير ما كنت مفضوح
لكن عذاب القلب مدد شتاتي
(فهد عبدالله الماضي)
يوم اني اشر على صدري وعينك تويق
واقول انتي هنا وتقولي انـت هنه
الهاء في آخر كلماتك بصوت رقيق
يشطب على برمجة سمعي ويستوطنه
منتي بشر جعل من جابك ضحية زريق
شارعك يحسب لك بالامتار يامفتنه
إليا انتصفتيه يضيق وكل ماله يضيق
كنك كوكايين..وأرصفته خشم مدمنة
(سعد علوش)
