خير وش باقي تزيد القلب هم
منك شاف القلب تجريح الهموم
ومن رداة الحظ زاد الهم غم
وإن شكيت أشكي على من لي ظلوم
كم بكيتك شرهة والدمع دم
تفطر أشواقٍ على ظلمك تصوم
(خالد عبدالرحمن)
أبشرك ماعاد يوجعني فراق
وأقسى وجع فيني يزول بثواني
عودت قلبي إذا حمل هم أو ضاق
أرمي وما أسأل عن اللي رماني
عودت نفسي للمتاهات ما أنساق
ولا يسيل دمع عيني وأعاني
خل الحياة أتروح والعمر أرزاق
لابد يوم يضحك لي زماني
(غير معروف)
يا ذيب ياللي هاضني بعواك
قبلك وانا عن صاحبي سالي
مدري حضر والا نصى مرباك
والا مع ابن حميد نزالي
يا قصر ياللي مشيد مبناك
يا قصر وين الصاحب الغالي
(غير معروف)
