لاهمتني الدنيا ولاهمتني الناس
ياناشد عن حالي الحال وشفيه !
لا حلالي نوم ولاحلالي نعاس
ولارفيق من خيرة القوم أشكيه
الصدر ضايق وفي البال عوماس
ماغير أتوجد لخالق الكون ادعيه
(مشاري بن محمد)
يا غايبه إلا عن الخافق سلام
ردي علي يا همسة العاشق سلام
ردي وخذي مني ليالي من العمر
أقطف لك النجمه و أذوّب لك قمر
و ألبسك ثوب النسيم و أعطّر أيامك زهر
و أقول احبك و أفرش لك الدنيا حرير
ماهو على الغالي كثير
(خالد الفيصل)
