لاهمتني الدنيا ولاهمتني الناس
ياناشد عن حالي الحال وشفيه !
لا حلالي نوم ولاحلالي نعاس
ولارفيق من خيرة القوم أشكيه
الصدر ضايق وفي البال عوماس
ماغير أتوجد لخالق الكون ادعيه
(مشاري بن محمد)
وش خطاي إلا المحبه وش رجاي إلا وصاله
وش يبي غير الموده والغلا والمقدريه
دللوه اللي ربوه صغير واسرف بي دلاله
ليت لي قلب يطيق الصبر وعيون خليه
والغضي لو لاعه التحنان وبقلبه عداله
ماغذت من دونه القيعان جردٍ جرهديه
(نايف صقر)
