الضيقه اللي تجبر الرجل ويتوه
تعم الشجاع وتخلفه عن صوابه
صحيح راع الطيب ياطاه مشروه
ياتي من اللي ما يشرف جنابه
اليا بغا لطيب قاموا وحدوه
كنه غشيم وغادياً في شبابه
(عبدالرحمن الميموني)
من لاينال الطيب فى أول شبابه
ماظن يظفر به ليا عارضه شاب
ومن لاعلى جسمه يفصل ثيابه
والله ليوضع فوق ضرس وتحت ناب
ومن طق بيبان العرب طِق بابه
ولاضاع حق ومن ورى الحق طلاب
والسيف قوة سلته من نصابه
ولاخير في سيفٍ يجرب في الاقراب
ياللي تبي قدرٍ رفيع ومهابه
ابعد عن الشباك وادخل مع الباب
(ضاوي عايض العصيمي)
