تعبان مني ولا أنا منك تعبان
ولا التعب منا تعب أو تعبنا
ولا الزمن طبعه كذا ضد خلان
ولا خطانا هالزمن مايحبنا
كافي تعب كافي زعل يكفي أحزان
ياوقت تونا صغار والله شبنا
(أحمد العتيبي)
دمعه من الإيمان في يوم جمعه
تطيح من عيني على أوراق قرءان
خشوع مؤمن لحظة إجماع دمعه
إن اللذي يدمع في هالوقت إنسان
ماطفت الدنيا بمحانيه شمعه
إشتعلت بصدق النوايا والإيمان
(أحمد العتيبي)
دامك سعيد وفي حياتك تهنيت
وشفيك راجع وانت عايش بدوني؟
الله واكبر بس هللحين حسيت؟
وتقول ثارت في غيابك شجوني
وشفيك راجع انت وشعاد خليت؟
الا المتاعب يوم تسهر عيوني
(حمد بن سعد المسرع)
