كيف اعتذر من نظر عيني ومحبوبي
وانا حبيبه ومجنونه و ولهانه
لو كان مني خطا والله لاتوبي
عن كل مايجرحه ويجدد احزانه
وان كان خوفي عليه اكبر من عيوبي
زود الغلا مايقلل شان خلانه
(فيصل بن خالد بن سلطان)
ودنا بالطيب بس الدهر جحّاد طيب
كل ما تخلص مع الناس كنـك تغشها
كل ماشبيت نار المحبة مـع حبيب
قام يسحل فـي مشاهيبهـا ويرشها
يدك لامدت وفاء لا تحرّى وش تجيب
كان جاتك سالمة.. حب يدك وخشِّها
وكل ما صادفت لك فالزمن وجه غريب
مثل ماقال المثل دام تمشي مشها
وذمةٍ ماهيب تندان للحق المصيب
جعل قشّاش الحطب لاسـرح يقتشها
(سعد بن جدلان)
