حتى إنت يالببسي علينا تغليت
هذا وحنا ما بيوم قطعناك
هذا وغازك فتت الكبد تفتيت
ولا ردنا غازك ولو كان فتاك
ليتك عن نصيص الزياده تعليت
ولا قلت بعين الزباين حلاياك
حرمت عنك عقبها دخلت البيت
ماني زبونك دام هذي سواياك
(غير معروف)
راع البلد ياميت القلب مسجون
اضرب تهاتيه الخلا تستفيدي
ابطش ديار القوم والرزق مضمون
تصيدك الاقدار والا تصيدي
واحذر تخاف إلا الذي كون الكون
رب الفلك محيي العظام الهميدي
(بندر بن سرور)
ياصاحبي درب العلا عسر بالحيل
ودونه مسافه جرهديه وجردى
وقدمك لعكفان الشوارب مداهيل
قطاعة الفرجه على كل سردى
وان كان ماتقدر دروب الرجاجيل
عود وتلقى واحد منك واردى
(رشيد الزلامي)
ياعصافير والله اني اموت فيه
فوضوي مرتّب بعثره بانتظام
اعتذر منه وارضا من الزعل قبل اجيه
ويحضننه عيوني قبل اقول السلام
صدقيني بغيت البارح ازعل عليه
بس كنه وحشني ! وصار فيها كلام
(خالد الردادي)
