مشاركات بواسطة ماجد الشطي

البيبسي..

حتى إنت يالببسي علينا تغليت
هذا وحنا ما بيوم قطعناك
هذا وغازك فتت الكبد تفتيت
ولا ردنا غازك ولو كان فتاك
ليتك عن نصيص الزياده تعليت
ولا قلت بعين الزباين حلاياك
حرمت عنك عقبها دخلت البيت
ماني زبونك دام هذي سواياك
(غير معروف)

راعي البلد

راع البلد ياميت القلب مسجون
اضرب تهاتيه الخلا تستفيدي
ابطش ديار القوم والرزق مضمون
تصيدك الاقدار والا تصيدي
واحذر تخاف إلا الذي كون الكون
رب الفلك محيي العظام الهميدي
(بندر بن سرور)

درب العلا..

ياصاحبي درب العلا عسر بالحيل
ودونه مسافه جرهديه وجردى
وقدمك لعكفان الشوارب مداهيل
قطاعة الفرجه على كل سردى
وان كان ماتقدر دروب الرجاجيل
عود وتلقى واحد منك واردى
(رشيد الزلامي)

تضيق بي دنياي

تضيق بي دنياي وتضيق الأنفاس
والظن صآر بأكثر الناس خآيب
مدري علا‌م الناس مآتنفع النآس
ياوقتنا بالله ويش أنت جآيب
(علي القحطاني)

لاتكره الدنيا

لا تكره الدنيا ولا تلعن الناس
للحين فيها ناس مثلك نظيفة
وكانك تفكر وين تقدير الإحساس ؟
غيرك يفكر وين يلقى وظيفة !
(ماجد الخالدي)

من شاف ما يكره..

ومادام مابه وفا للعشره يشدك
ماضيك ماأقوى على مدحه ولا سبه
ماأدري.. أنا ضد قلبي او ضدك
من شاف مايكره يعاف ماحبه !
(سعد آل سعود)

الرفاقه..

ماينبكي حي وراه الفراقي
ولا ينكره بعد الرفاقه الى أوذوك
(النوري الشعلان)