دامك كذا مقفي ولا اشوف لك شوق
وانا على قربك بذلت وتكلفت
عيب اتبعك مقفي ولو كنت محروق
لجلك ولو من بعد هجرك تحسفت
انا عرفتك ذوق وببعد وانا ذوق
ولا انكر.. تراك آنست قلبي وشرفت
(ماجد بن نويف)
بنت الحمايل كلها دم واحساس
لا عاش راس الجاهل اللي دفنها
هي درة ما جابها كل غطاس
ومن لا يعرف الدر يرخص ثمنها
من هو يساومني عليها من الناس
من هو بسجنه قد تجرا وسجنها
هو ما درى انها حرة ترفع الراس
ما ترضى غير العز لو هو كفنها
(أسيرة الصمت)
