دامك كذا مقفي ولا اشوف لك شوق
وانا على قربك بذلت وتكلفت
عيب اتبعك مقفي ولو كنت محروق
لجلك ولو من بعد هجرك تحسفت
انا عرفتك ذوق وببعد وانا ذوق
ولا انكر.. تراك آنست قلبي وشرفت
(ماجد بن نويف)
يا صاحبي صرح الهوى والوفى طاح
والقلب كنّه من عراويه مقشوع
كنت أحسب ان لحبّنا عشرة ارواح
الين شفت الحبل بيديّ مقطوع
يوم العهد به حدّه اسبوع لا راح
اسبوع ويعوّد علي شوق ودموع
واليوم خمس سنين والهم ما زاح
هم الفراق اللي بلا عذر مشروع
استغفر الله تسعة شهور يا صاح
في غيبتك قمت احسب اليوم باسبوع
(محمد بن فطيس)
