أبيك الجاي من عمري, أنا مابيك شيء وراح
مدامك أجمل وآخر, مدامك أول أحبابي
أبي أرتاح ياعمري أنا أدري هم تبي ترتاح
تعال وقبل ما أفرح, ترى تفرح بك ثيابي
أحبك يابعد عمر الحزن والجرح والأفراح
أحبك كثر ما نامت عيونك داخل أهدابي
(سالم السيار)
أنا ماجيتك أشكيلك ولا أبكي على صدرك
ولا أدور عن أحلامي في قلب ميت شعوره
أنا وان رحت والا جيت مجرد ماضي بعمرك
مثل لعبة تسليني بها والحين مكسوره
وإذا يهمك تعرفي ليه رجعت انا رغم غدرك
أحب أقول لك كلمه توضح خافي الصوره
رجعت أقولك ياما كرهت بداخلي كبرك
وكانت فكرتي عنك مجرد بنت مغروره
(غانم الفارس)
مَديت لك.. واخذت مني.. ولا اعطيت
وطلبتني في شي واخذيت كل شي
وسامحتك لأني في حبك تماديت
وامسيت لي واصبحت في الصبح مو لي
بلا سبب ما اخطيت.. وان كاني اخطيت
اخطيت يوم اهدي ضميري وهو حي
المشكلة قَفيت عن وافي الصيت
وسايرت ناس باعت لحومها نِي
غروك من قدح الفلاش وتناسيت
ان الفلاش يموت في حضرة الضي
(فهد الشهراني)
