ومن كثّر الصدقان لابد يغرَم
ترى كثرة الصدقان ساس الوزايم
صدقان للضحكة.. وصدقان للهم
وصدقان لا جاب الزمان الطمايم
إذا عرفت الراس والعين والفم
مالك ومال جنوبها والقوايم
أوزن كلامك قبل يظهر وتبلم
هرجك يوردك الضرم والضرايم
(علي بن حمري)
من بغى الزين ياخذ منه أقبح مزاياه
وتصير أميز مايميز غيره من الأجسده
فلنفترض اثرم أخذ وحده من ثنآياه
تتعوذ الله عليه من البشر لاتحسده !
عذروبه ..انك لا تنبش في خباياه
طبعه الشين ما يقبل مفاهيم الاكسده
فيه الحُسن كنه ملك جزله عطاياه
والشعب عافه من البطآنه المفسده
(خالد سعيد العنبري)
