تكفا ترا تكفا لها تسّرج الخيل
ان كان لك في مجمع الخيل عسفا
تكفا تراني من قرومٍ مشاكيل
حماية الساقه بسيفٍ وشلفا
تكفا وتكفا ماتساق لمهابيل
تكفا تخلّي القرم لاشٍ وهطفا
تكفا ترى تكفا تهز الرجاجيل
لولا صروف الوقت ما قلت تكفى
(محمد الدحيمي)
يجيب السفر طاريك يا حي ذا الطاري
وأنا ما بين تغميض العيون ومدامعها
غريب السفر والأغرب إحساسه الناري
ياكم ناس فرقها وياكم ناس جمعها
على الرغم من كمية الكبت الإجباري
يبين شعور الناس لما توادعها!
(سعدعلوش)
