على الفرقا زمن عدى وانا للحين ماصدقت
أخاف الوقت يسرقني ولا استوعبت غيابك
قدرت انك تجاهلني وانا باتجاهلك واخفقت
تصدق ماقدرت أقسى وقلبي جابني لبابك
يبان الحب في عيوني ياليتك بس لودققت
ياليتك ترجع تفكر وتعرف منهم احبابك
(نواف الدخيل)
ماقلت لك عمر سيف العشق مايقتلك
ماتشوفني حي قدامك وانا اموت فيك
اشتقت لك قبل اجيك وجيت واشتقت لك
البارحة طول ليلي بين هذي وذيك
مليت جمر انتظارك واستحيت أسألك
واحسبتني ما بعد جيتك وفكرت اجيك
اثرك بقلبي من البارح وانا استعجلك
واثري نسيتك من الفرحة وقمت احتريك
(مساعد الرشيدي)
